Scéim Scoláireachta Gaeltachta 2024
Date: 23-01-2024
Tá Comhairle Contae Mhaigh Eo ag glacadh le hiarratais anois le haghaidh Scéim Scoláireachta Gaeltachta 2024. Is ceithre lánscoláireacht atá á dtairiscint i bliana de réir mar a leagtar amach sa tábla thíos. Tá an scéim ar oscailt do dhaltaí ón dara bliain go dtí bliain na hardteiste.
|
Bliainghrúpa |
Coláiste |
Dátaí |
|
Daltaí atá sa dara nó tríú bliain |
Coláiste Acla |
Cúrsa Cásca 1 Aibreán - 6 Aibreán |
|
Daltaí atá sa cheathrú bliain nó cúigiú bliain |
Coláiste Mhuigheo |
Samhradh - Cúrsa É 28 Iúil - 11 Lúnasa
|
|
Daltaí atá i mbliain na hardteiste |
Coláiste Uisce |
Dianchúrsa Ardteiste 29 Márta - 6 Aibreán
|
Téarmaí agus Coinníollacha
- Is féidir le daltaí atá ina gcónaí i Maigh Eo, nó atá ag freastal ar scoil i Maigh Eo, cur isteach ar an scéim. Beidh ar na hiarratasóirí rathúla fianaise a chur ar fáil chun é sin a chruthú.
- Is do na bliainghrúpaí a luaitear thuas amháin an scéim seo. Beidh ar na hiarratasóirí rathúla cruthúnas den bhliainscoile ina bhfuil siad a chur ar fáil.
- Tá an scoláireacht seo oiriúnach do dhaltaí ag gach leibhéal teanga, idir dhaltaí a bhfuil fíorbheagán Gaeilge acu agus iadsan atá líofa sa teanga.
- Roghnófar na hiarratasóirí rathúla as measc na n-iarratas bailí trí mheán crannchuir. Déanfaidh Comhairle Contae Mhaigh Eo teagmháil leis na hiarratasóirí rathúla i lár mhí Feabhra. Cuirfear fógra ar líne le deimhniú go ndearnadh an crannchur.
- Ní féidir an scoláireacht seo a thabhairt ná a aistriú do dhuine eile.
- Ní feidir ach iarratas amháin a dhéanamh in aghaidh an dalta. Dícháileofar aon dalta a ndéanfar níos mó ná iarratas amháin ina leith.
- Más maith leat iarratas a dhéanamh ar son níos mó ná dalta amháin (le haghaidh deartháireacha nó deirfiúracha mar shampla), cuir iarratas ar leith isteach le do thoil.
- Ní ghlacfar le hiarratais le haghaidh daltaí a fuair scoláireacht faoin scéim cheana.
- Ní ghlacfar le hiarratais ó fhostaithe de chuid Chomhairle Contae Mhaigh Eo.
- Iarrfar ar iarratasóirí rathúla freastal ar ócáid bhronnta, a mbeidh grainghrafadóireacht mar chuid di.
Cén chaoi ar féidir liom iarratas a dhéanamh?
Is féidir le tuismitheoir nó caomhnóir an dalta an fhoirm iarratais ar líne a chur isteach ag an nasc thíos. Bí cinnte na treoracha agus coinníollacha atá ag tús na foirme a léamh go gcúramach sula dtosaíonn tú ar an iarratas. Tá ceist amháin ar an bhfoim atá le freagairt ag an dalta fhéin.
Foirm Iarratais - Sceim Scoláireachta Gaeltachta Chomhairle Contae Mhaigh Eo 2024
(cliceáil sa bhosca ag barr na foirme ar dheis chun teacht ar an leagan Gaeilge)
Is é 23:59 Dé Domhnaigh an 18 Feabhra an spriocam le haghaidh iarratas. Ní ghlacfar le hiarratais dhéanacha.
Is féidir ríomhphost a chur chuig gaeilge@mayococo.ie má ta ceist agat. Go n-éirí leat